Çərşənbə , Noyabr 25 2020
Ana səhifə / Şou Biznes / Rüfət Aslanlı nə qədər maaş alır? – Açıqlama

Rüfət Aslanlı nə qədər maaş alır? – Açıqlama

Bu gün bəzi KİV-lərdə Maliyyə Bazarlarına Nəzarət Palatası (MBNP) rəhbərliyinin aylıq əməkhaqları ilə bağlı sensasion məlumat dərc edilib.

Məlumatda Palatanını Direktorlar Şurasının sədri Rüfət Aslanlının ayda 65 min manat, müavinlərinin hər birinin 38000, icraçı direktorun 18000, departament direktorlarının 10000, sıravi işçilərin isə 800-1500 manat rəsmi məvacib aldığı iddia edilib.

KİV-də və sosial şəbəkələrdə tirajlanan iddialarda təkcə Rüfət Aslanlı və 2 müavininin əməkhaqlarının ödənilməsinə ildə 2 milyon manat vəsait sərf edildiyi qeyd edilir.

Guya Rüfət Aslanlının maaşı prezidentin maaşından 4 dəfə, ölkədəki orta aylıq əməkhaqqıdan 130, orta aylıq pensiyadan 325 dəfə çoxdur.

Modern.az bu iddialarla bağlı Maliyyə Bazarlarına Nəzarət Palatasından cavab almağa çalışıb.

Palata sorğuya cavab olaraq yayılmış məlumatları təkzib edib:

“Bu cür məlumatlar həqiqətə uyğun olmadığından şərhə ehtiyac görmürük. Bunun həqiqət olmasına inanmaq özü sadəlövhlükdür”.

Həmçinin oxuyun

Ata yurdu işğaldan azad olunan sənətkar: “O torpağın üstündə iməkləyəcəyəm”

“Ağdama biz bir toplu formasında gedəcəyik. Mən də bir əsgər kimi gedəcəm ora. Allah qismət …

Bir cavab yazın