Muradla Sərxan küsülü imiş – “Maşın”da barışıblar

Xalq artisti Murad Dadaşovla aparıcı-aktyor Sərxan Kərəmoğlunun küsülü olduğu ortaya çıxıb.  “Qafqazinfo” xəbər verir ki, onlar “Maşın” realiti şousunun yeni sezonunda barışığa imza atıblar. 

Bu barədə M. Dadaşov proqramın ötəngünkü buraxılışında məlumat verib. O, canlı efirdə həmkarından incidiyini qeyd edib:

“Düzünü deyim, iştirakçılar buradan səs toplayıb gedəndə televiziya auditoriyasına hörmətsizlik kimi qəbul edirəm. Gizlətməyəcəm, S. Kərəmoğlu verilişin əvvəlki sürətində maşından əlini götürüb getdi və biz müəyyən müddət danışmadıq. Mən onun bu hərəkətini anlamadım, münasibətlərimiz soyudu. İndi isə hər şey qaydasındadır və o, mübariz insandır”.