Cümə axşamı , Dekabr 9 2021
Ana səhifə / Şou Biznes / Azərbaycanda Mübariz Mənsimova qarşı kütləvi etirazlar

Azərbaycanda Mübariz Mənsimova qarşı kütləvi etirazlar

“PalSüd” MMC zavodunun əməkdaşları əmək haqlarının ləngiməsinə görə kütləvi etiraz aksiyası keçiriblər. Qeyd edək ki, bu zavod milyarder Mübariz Mənsimovun şirkətlər qrupuna daxildir və süd məhsullarının istehsalı ilə məşğul olur.

Zavodun əməkdaşları 8 aydır ki, öz halal maaşlarını ala bilmirlər.

Bu, zavod əməkdaşlarının Mübariz Mənsimovdan öz pullarını etiraz aksiyalarının köməyi ilə tələb etmələri ilə bağlı birinci hadisə deyil.

Belə ki, 20 gün əvvəl fermerlərdən süd qəbulu məntəqələrinin təxminən 60 əməkdaşı küçələrə çıxaraq bir milyon manat borcun ödənilməsini tələb etmişdilər. Bu pul öz süd məhsullarını zavoda təhvil vermiş fermerlərə ödənilməliydi.

Zavod ətrafında yaranmış kritik vəziyyətlə bağlı müvafiq dövlət strukturlarına artıq məlumat verilib. Dünən etiraz edənlərdən bir neçəsi izahedici söhbət üçün polisə çağırılıb.

Etiraz edənlərdən biri- Sahib Abdullayev iddia edir ki, “PalSüd” MMC ona 27 min manat ödəməlidir. Amma sahibkar öz pulunu bir ildir ala bilmir.

S.Abdullayevin sözlərinə görə, onunla görüş vaxtı zavodun nümayəndələri maliyyə çətinliklərinə istinad edərək hər dəfə ödəmələr üçün ondan möhləti verməsini xahiş edirlər. (Virtualaz.org)

Həmçinin oxuyun

“Rafael Dadaşov dünyasını dəyişənə kimi o xanımı sevdi”

Müğənni Nazim Pişiyari Xalq artisti Rafael Dadaşovla bağlı etiraflar edib. Sənətçi bir çox mahnılarının söz …

Bir cavab yazın