Azinforum.az İnformasiya Portalı Onlayn Xəbər Portalı
Şuşanın “azad edilməsi”nin 25-ci ildönümüylə bağlı qeyri-qanuni olaraq işğal altındakı Azərbaycan ərazilərinə səfər etmiş Ermənistan prezidenti Serj Sarkisyan Xankəndindəki qondarma rejimin başçısı Bako Saakyanla birlikdə Ağdərə rayonunun Pircamal kəndi yaxınlığındakı Kaşen dağ-mədən kombinatında olub. Mis və molibdenlə zəngin olan kombinatın işi ilə yaxından maraqlanan işğalçı rəhbərlər Azərbaycan torpaqlarındakı əlvan metal mədənlərinin istismarı ilə bağlı gələcək planları müzakirə ediblər.
Xatırladaq ki, Pircamal kəndi 1990-1992-cü illərdə Azərbaycan oğullarının ən çox savaşdığı, onlarla şəhid verdiyi strateji yaşayış məntəqələrindən biri olub.(Moderator.az)
