Bazar , Noyabr 17 2019
Ana səhifə / Sosial / Oqtay Şirəliyev qohumları ilə bağlı göstəriş verdi – Heç birini işə götürməyin

Oqtay Şirəliyev qohumları ilə bağlı göstəriş verdi – Heç birini işə götürməyin

İnsanların yalnış müalicə alması sağlam orqanı da sıradan çıxartdığından bu, sonradan ölümlə nəticələnir. Hətta vəziyyət o həddə çatıb ki, həkimə müraciət edən xəstə yanlış diaqnoz qoyulması və səhv müalicə aparılması səbəbindən ya şikəst olur, ya da dünyasını dəyişir. Bu kimi hallara son qoymaq üçün Səhiyyə naziri Oqtay Şirəliyev ciddi addımlar atmağa başlayıb.
Nazir ilk öncə “Praktik tibb və ya əczaçılıq fəaliyyəti ilə məşğul olan şəxslərin (işçilərin) sertifikasiyası Qaydası”na ciddi nəzarət olunması üçün göstərişlərini verib. O, hətta sertifikasiya imtahanından keçə bilməyən qohumlarına güzəşt edilməsinə qadağa qoyub. Nazir belə hallar baş verdiyi təqdirdə və nöqsanlara yol verən şəxslərin ciddi cəzalandırılacağını deyib.
Milli Məclisin səhiyyə komitəsinin sədr müavini Musa Quliyev Unikal.org-a faktı təsdiqləyərək bunları deyib: “Əvvəlki illərdə tanış həkimlərin qeyri-rəsmi şəkildə sertifikasiyadan keçmələri üçün zəng vurub xahiş edərdilər. Mən də bir-iki dəfə zəng vurub həkim tanışım üçün xahiş etmək istədim. Səhiyyə Nazirliyi Aparat rəhbəri Zəkiyə Mustafayeva nazir Oqtay Şirəliyev “mənim öz qohumum olsa belə sertifikasiya prossesində güzəşt edilməsin”-deyə göstəriş verdiyini bildirdi. Xahişimi yerinə yetirə bilməyəcəklərini dedi. Çünki o həkim imtahan verdikdən sonra gedib Azərbaycan vətəndaşına xidmət eləməlidir. Xüsusən müasir diaqnostikanı bilməyəndən, dərmanın adını tanımayandan sonra təbii ki, o həkim cəllada çevrilir. Cavab olaraq dedim ki, Zəkiyyə xanım, ən yaxın adamımda olsa mən sizdən xahiş etməyəcəm”.
Deputat sözügedən hadisədən sonra Səhiyyə Nazirliyinə hər hası bir məsələ ilə bağlı xahiş etmədiyini deyib:
“Səhiyyə nazirliyi münasibətlərimin yaxşı olduğu nazirlikdir. Hər zaman da bir-birimizlə işgüzar münasibətlərimiz var. Amma, mənə Səhiyyə Nazirliyi bu şəkildə cavab verirsə, deməli burada çox ciddi nəzarət var. Bu o deməkdir ki, savadı olmayanlar heç vaxt hansısa qanunsuz yolla sertifikasiyadan keçə bilməyəcəklər”.
mia.az

Həmçinin oxuyun

Rahatlıq üçün açılan qapılar ölümə aparır – yanğına ondan əvvəl hazırlaşmaq gərəkdir

Bakıda hündürmərtəbəli binalarda yanğına hadisələri nadir deyil. Bu günlərdə Xətai rayonunda baş verən bir yanğında …

Bir cavab yazın