Ana səhifə / Sosial / “Kremldə kifayət qədər ağıllı qüvvələr var və onlar ÜAK-la bağlı məsələni həll edəcək” – DEPUTAT

“Kremldə kifayət qədər ağıllı qüvvələr var və onlar ÜAK-la bağlı məsələni həll edəcək” – DEPUTAT

Rusiya Ali Məhkəməsi tərəfindən Ümumrusiya Azərbaycanlıları Konqresinin (ÜAK) qeydiyyatının ləğv edilməsi iki ölkə münasibətlərinin inkişafını istəməyən qüvvələrin sifarişidir.

Bu barədə Trend-ə açıqlamasında millət vəkili Musa Quliyev deyib.

Onun sözlərinə görə, bu qərar ermənipərəst qüvvələr və ya Rusiya hüquq sistemində çalışan ermənilərin dəstəyi ilə qəbul olunub: “Düşünmürəm ki, qərarın qəbul olunması Rusiya – Azərbaycan münasibətlərini korlasın. Rusiyada, o cümlədən Kremldə kifayət qədər ağıllı ziyalılar və qüvvələr var və onlar bu məsələni həll edəcək”.

M.Quliyevin sözlərinə görə, ÜAK-la bağlı mövcud qərarın dəyişdirilməsi üçün Rusiya deputatları, rus icmaları və ziyalılar tərəfindən müəyyən fikirlər səsləndirilir: “İndi hansı variantlar seçiləcək, hələlik məlum deyil. Amma istənilən halda düşünürəm ki, ÜAK fəaliyyətini davam etdirəcək və Rusiya – Azərbaycan münasibətləri əvvəlki templə inkişaf edəcək. Çünki, bu Rusiya məhkəmə orqanlarının tarixi bir səhvidir. Düşünürəm ki, həmin səhvin düzəldilməsini Rusiyanın hakimiyyət dairələri təmin edəcək”.

Qeyd edək ki, mayın 15-də Rusiya Ədliyyə Nazirliyinin təqdimatına əsasən Rusiya Ali Məhkəməsi ÜAK-ın qeydiyyatını ləğv edib.

Həmçinin oxuyun

Bakıda bu ərazidən qaydaları pozmadan keçmək olmur (VİDEO)

Sürücülər paytaxtın Sabunçu rayonunda “Sabunçu bazarı” kimi tanınan ərazidən qaydaları pozmadan keçə bilmirlər. Buna səbəb …

Bir cavab yazın