Azərbaycanda koronavirusa yoluxanların sayı kəskin artıb

Azərbaycanda koronavirus (COVID-19) infeksiyasına 90 yeni yoluxma faktı qeydə alınıb, 33 nəfər müalicə olunaraq sağalıb.

Nazirlər Kabineti yanında Operativ Qərargahdan verilən məlumata görə, ölən olmayıb.

İndiyədək ölkədə ümumilikdə 793 695 nəfərin koronavirus infeksiyasına yoluxması faktı müəyyən edilib, onlardan 783 609 nəfər müalicə olunaraq sağalıb, hazırda 367 aktiv xəstə var. Bu günə qədər 9 719 nəfər vəfat edib.

Son sutka ərzində yeni yoluxma hallarının müəyyənləşdirilməsi ilə əlaqədar 2 157, bu günə qədər isə ümumilikdə 6 984 060 test icra olunub.