Azinforum.az İnformasiya Portalı Onlayn Xəbər Portalı
Moderator.az xəbər verir ki, bu günlərdə Lənkəran Ağır Cinayətlər Məhkəməsinin hökmü ilə 9 il azadlıqdan məhrum edilmiş Zərdab rayon prokurorluğunun keçmiş müstəntiqi Rüfət Səfərovun 35 yaşı tamam olur.
Xatırladaq ki, vəzifəsindən nümayişkaranə şəkildə istefa verərək qalmaqallı açıqlamalarla gündəmə gələn R. Səfərov sonradan qondarma ittihamlarla həbs edilməklə mətbuat ulduzuna çevilmişdi. Hətta bir müddət ev dustaqlığına buraxılsa da sonradan ən sərt şəkildə cəzalandırıldı.
Həbsindən bir neçə gün sonra keçmiş müstəntiqin hüquqlarının müdafiəsi komitəsi yaradıldı və demək olar ki, açıq və ya üstüörtülü şəkildə cəmiyyətin bütün təbəqələri arasında birmənalı dəstək ifadə edildi, günahsız yerə zindana atıldığına kimsə şübhə etmədi.
Moderator.az ilk gündən R. Səfərovun müdafiəsinə qalxdı və bu gün də onu dəstəkləyən media quruluşlarının başında gəlir. Biz elə bu minvalla da hamıdan qabaq onun 35 yaşını təbrik edirik və tezliklə azadlığa qovuşmasını arzulayırıq.
