Cümə , Aprel 26 2024
Ana səhifə / Siyasət / Qazaxıstanın Azərbaycandakı səfirliyində seçki məntəqəsi yaradılıb

Qazaxıstanın Azərbaycandakı səfirliyində seçki məntəqəsi yaradılıb

Bakıda, Qazaxıstanın Azərbaycandakı səfirliyinin binasında prezident seçkilərində səs vermək üçün seçki məntəqəsi yaradılıb.

Trend-in “Kazinform”a istinadən verdiyi məlumata görə, 262 nömrəli seçki məntəqəsi yerli vaxtla saat 07:00-da öz işinə başlayıb.

Seçki məntəqəsinin üzvləri və Qazaxıstan diplomatları məntəqənin açılış mərasimini keçiriblər.

Bu məntəqədə müvəqqəti Azərbaycanda yaşayan Qazaxıstan vətəndaşları səs verə bilər.

Qeyd edək ki, bu gün Qazaxıstanda növbədənkənar prezident seçkilərinin keçirilməsi ilə əlaqədar yerli vaxtla saat 07:00-da səsvermə başlayıb.

Səsvermə yerli vaxtla saat 20:00-dək davam edəcək.

Qazaxıstan ərazisində və onun kənarında 9 968 seçki məntəqəsi yaradılıb. Ölkədə 11 814 019 vətəndaş səsvermə hüququna malikdir.

Həmçinin oxuyun

Prezident: COP29 qarşıdurma arenası olmayacaq

Neft və qazla zəngin olan ölkələr haqqında hansısa miflər yaradılmamalıdır. Bu ölkələr iqlim məsələlərinin həlli …