Ələkrəm Hümmətov vəfat etdi

Özünü qondarma Talış-Muğan Respublikasının lideri kimi təqdim edən Ələkrəm Hümmətov dünyasını dəyişib.

Bununla bağlı məlumat sosial şəbəkədə yayılıb.

Bildirilib ki, o, Hollandiyada xəstəlik səbəbindən vəfat edib.

Qeyd edək ki, Ələkrəm Ələkbər oğlu Hümmətov 1948-ci ildə Lerikdə anadan olub. 1992-1993-cü illərdə Azərbaycan müdafiə nazirinin müavini olub. Bu vəzifədə olarkən, 1993-cü ildə qondarma Talış-Muğan Respublikasını elan edib və separatçılıq fəaliyyətinə görə həbs edilib. 2004-cü ildə həbsdən azad edildikdən sonra mühacirətə gedib.