Çərşənbə axşamı , İyul 23 2019
Ana səhifə / Siyasət / Zərdüşt Əlizadə: “Əli Kərimli hakimiyyətə gəlmək üçün buddist şüarları səsləndirməyə də hazırdır”

Zərdüşt Əlizadə: “Əli Kərimli hakimiyyətə gəlmək üçün buddist şüarları səsləndirməyə də hazırdır”

“1990-cı illərin əvvəllərində olduğu kimi, Xalq Cəbhəsi üçün indi də müqəddəs heç nə yoxdur. Onların bir hədəfi var – hakimiyyətə gəlmək. Buna görə onlar hətta Şeytanla da əməkdaşlığa hazırdırlar”.

Bunu virtualaz.org saytına nüfuzlu politoloq Zərdüşt Əlizadə AXC sədri Əli Kərimli ilə islamçılar arasındakı münasibətləri şərh edərkən deyib.

Politoloqun sözlərinə görə, bu prinsipsiz kütlə öz hədəfinə çatmaq üçün hətta buddist şüarları səsləndirməyə belə hazırdır.

Z.Əlizadənin fikrincə, bədbəxtlik ondadır ki, bu gün ölkədə hakimiyyətə layiqincə dirəniş göstərəcək, təzyiq edəcək müxalifət yoxdur: “Bu gün müxalifət paslanıb. Mahiyyətcə, o, demək olar, artıq yoxdur…”.

Bununla belə, Z. Əlizadə siyasi üfüqdə yeni güclərin ortaya çıxacağına, belə bir prosesin qaçılmaz olduğuna inandığını deyib: “Yoxsa indiki müxalifət insanların beyinlərini korlamaqda davam edəcək. Necə ki, 25 il boyunca bunu edib”.

“Müxalifətin hazırkı liderləri kimlərdir? Boş-boş danışmaq həvəskarları, cahil insanlar. Bu adamlar müasir dünyada cərəyan edən mürəkkəb mexanizmlərdən xəbərsizdirlər. Onlar öz oyunlarını hələ də 90-cı illərin eyforiyası altında davam etdirirlər”, – deyə ekspert sonda vurğulayıb.

Həmçinin oxuyun

Gürcüstanın parlament komitəsində Keşikçidağla bağlı qapalı dinləmənin keçirilməsi tələb olunur

Gürcüstan parlamentinin Diaspor və Qafqaz məsələləri üzrə komitəsində Azərbaycanla sərhəddə yerləşən Keşikçi dağı Məbəd-Kompleksi ilə …

Bir cavab yazın