Çərşənbə , Noyabr 25 2020
Ana səhifə / Siyasət / Evlənməyə hazırlaşan 20 nəfər QİÇS çıxdı – Bakıda

Evlənməyə hazırlaşan 20 nəfər QİÇS çıxdı – Bakıda

Azərbaycanda evlənməyə hazırlaşan 20 nəfərdə QİÇS, 115 nəfərdə sifilis aşkarlanıb.

Axar.az xəbər verir ki, bunu Səhiyyə Nazirliyi Hemotologiya İnstitutunun direktoru Zöhrə Əlimirzəyeva bildirib.

Bu barədə baku.ws-ə danışan Z.Əlimirzəyevanın sözlərinə görə, Nazirlər Kabinetinin qərarına əsasən müayinədən keçən insanlar əsasən QİÇS, talassemiya, sifilis xəstəlikləri üzrə qan veriblər. Müayinə zamanı talassemiyalı 7 cütlük aşkarlanıb.

Z.Əlimirzəyeva əlavə edib ki, əhalinin 8 faizi irsi qan xəstəliyi olan talassemiya daşıyıcısıdır: “Əgər hər iki cütlükdə bu xəstəlik aşkarlanarsa, o zaman onlara müəyyən məsləhətlər verilir. Çünki bu xəstəlik daşıyıcısı olan insanlar praktiki sağlamdırlar. Onların gələcəkdə övladlarında bu və müxtəlif tipli xəstəliklər yarana bilər”.

Nazirlər Kabinetinin qəbul etdiyi qərara əsasən, bu il iyunun 1-dən nikaha daxil olmaq istəyən şəxslər məcburi şəkildə tibbi müayinədən keçirlər. Bu qərardan sonra indiyə qədər evlənmək istəyən 36 min 64 nəfər müayinədən keçib.

Həmçinin oxuyun

Parlamentdə koronavirus müzakirələri

Noyabrın 24-də Milli Məclisin növbəti plenar iclası keçirildi. Parlamentin sədri Sahibə Qafarova iclası açaraq bildirdi …

Bir cavab yazın