Türkiyənin Sabah qəzetinin yaydığı xəbərə görə, həmin ölkədə fəaliyyət göstərən Etimad İsmayılov adlı Azərbaycan əsilli iş adamı İstanbulun Floriya rayonundakı ofisində başından və ürəyindən açılan 3 atəş nəticəsində həyatını itirib. Qətli Gözəl Dəmirov adlı şəxsin törətdiyi bildirilir. Sosial şəbəkələrdə silahlı hücum nəticəsində həyatını itirən şəxsin Ədalət Partiyasının sədri İlyas İsmayılovun oğlu olduğu bildirilir. Qeyd edək ki, Ədalət Partiyasının sədrinin oğlu uzun müddətdir ki, Türkiyədə biznes fəaliyyətilə məşğul olurdu və o, tanınmış jurnalist Sevil Nuriyeva ilə ailə həyatı qurmuşdu. Hələlik İlyas İsmayılovun ailəsinə yaxın olan kimsə öldürülən şəxsin partiya sədrinin oğlu olub-olmaması xəbərinə aydınlıq gətirməyib.
*******
Azinforum.az xəbər verir ki, qətlə yetirilən şəxsin sabiq Baş prokuror İlyas İsmayılovun oğlu, tanınmış teleaparıcı Sevil Nuriyevanın həyat yoldaşı olduğu təsdiqini tapdı.
Allah rəhmət eləsin!
Rövşən ƏLİ,
Azinforum.az