Özbəkistanın baş naziri avtomobil qəzasına düşdü

Özbəkistanın baş naziri Abdulla Aripovun içərisində olduğu xidməti avtomobil yol qəzasına düşüb. Azinforum.az “Gazeta.uz”a istinadən xəbər verir ki, o, yüngül bədən xəsarətləri ilə xəstəxanaya çatdırılıb.

Mənbəyə əsasən, qəza dünən axşam baş verib. Hökumət başçısı avtomobillə Bekabaddan Daşkəndə gəlirmiş.

Baş nazirlə eyni maşında olan daha bir nəfərin xəsarət aldığı bildirilir. Qəzanın təfərrüatları açıqlanmır.