Qum şəhərində bir gənc 2 mollanı bıçaqlayıb və avtomobillərinə od vurub.
Moderator.az xəbər verir ki, bu haqda İranın “Mizan” agentliyi xəbər yayıb. Hücum nəticəsində müxtəlif dərəcəli bıçaq yaraları almış hər iki axund xəstəxanaya çatdırılıb. Onlardan birinin səhhətinin ağır olduğu bildirilir.
Rəsmi qurumlar isə fərqli məlumat yayıb. Qum şəhərinin inqilab prokuroru Mehdi Kahə jurnalistlərə verdiyi açıqlamasında bildirib ki, həmin şəxs polis tərəfindən yaxalanıb. Prokurorun sözlərinə görə, bu gənc narkomandır və onun ruhanilərə hücumunun ölkədə dekabrın sonunda baş vermiş “iğtişaşlar”la heç bir əlaqəsi yoxdur. Hücumçunun adı mediaya açıqlanmayıb.
Müxalifətçi “Kayhan London” nəşrinin yazdığına görə, mollaların bəzi iradları gəncin xoşuna gəlmədiyindən o, din xadimlərinə hücum edib.
Xəbərdə deyilir ki, son vaxtlar İranda ruhanilərə hücum halları çoxalıb. Buna səbəb adi insanların din xadimlərini ölkənin sərvətlərini talayan rejimlə əlbir olduğunu hesab etməsidir. Belə ki, ötən ilin sentyabrında bir qrup narazı şəxs Borucerd şəhərində İranın ali rəhbərliyinin nümayəndəsi olan imam-xətibin evinə hücum edib. Ruhanini dövlət qurumları vasitəsi ilə etdiyi və əhalinin əmanətlərindən məhrum olmasına şərait yaradan fırıldaqlarda günahlandırıblar. “Nəzər” agentliyinin redaktoru Payam Parxizin verdiyi məlumata görə, dekabrda Məşhəddəki etiraz aksiyaları da arxasında din xadimlərinin durduğu kredit təşkilatarının iflasa uğramasında sonra başlayıb.
Sultan Laçın