Bazar ertəsi , Oktyabr 15 2018
Ana səhifə / Kriminal / Dünya çempionu hakim qarşısında

Dünya çempionu hakim qarşısında

Bakı Ağır Cinayətlər Məhkəməsində ölümlə nəticələn yol-nəqiliyyat hadisəsi törətməkdə ittiham olunan Urxan Orucovun cinayət işi üzrə məhkəmənin hazırlıq iclası keçirilib.

Virtualaz.org-un xəbərinə görə, hakim Səbuhi Hüseynovun sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib. Məhkəmə baxışı avqustun 14-nə təyin edilib.

Qeyd edək ki, bu il yanvarın 25-də Xəzər rayonunun Buzovna qəsəbəsi ərazisində Maştağa qəsəbə sakini 31 yaşlı Səlim Zülfüqarov naməlum avtomobillə vurulub. O, ağır xəsarətlərlə xəstəxanaya çatdırılıb və orada ölüb.

Xəzər Rayon Polis İdarəsi 2-ci Polis Bölməsi əməkdaşlarının keçirdikləri əməliyyat-axtarış tədbirləri nəticəsində yol-nəqliyyat hadisəsinin BMW markalı avtomobillə törədildiyi müəyyən edilib. Görülmüş tədbirlərlə hadisə yerindən qaçan həmin nəqliyyat vasitəsinin sürücüsü – Bakı şəhər sakini Urxan Orucov saxlanılaraq istintaqa təhvil verilib.

Xatırladaq ki, U.Orucov peşəkar idmançıdır. Kikboksinq və kunq-fu idman növlərində özünü sınamış 29 yaşlı U.Orucov 3 qat dünya, 8 qat Azərbaycan çempionudur.

Həmçinin oxuyun

Xanım alimin evindən 1 milyon oğurlamaqda ittiham edilənlər azadlığa çıxdı

Alimin evindən 1 milyon manata yaxın oğurluq etməkdə təqsirləndirilən şəxslər növbəti dəfə hakim qarşısına çıxarılıblar. …