“Space”də daha bir ayrılıq – Redaktor işdən getdi

“Space” televiziyasının  Xəbərlər Xidmətinin redaktoru Azadə Balayeva işdən ayrılıb.

Moderator.az xəbər verir ki, o, bu barədə sosial şəbəkədə yazıb.

“Bir aylıq məzuniyyətin ardından “Space TV”-də 4 illik fəaliyyətim də başa çatdı. Bu gündən rəsmən işsiz sayılıram və aktiv iş axtarışındayam. Uyğun bildiyiniz iş təkliflərinizə sevinərəm”.

Azadə Balayevə bildirib ki, tutduğu vəzifədən ayrılmasının səbəbi onunla şirkət arasında olan məsələdir.

“Şirkət rəhbərliyi işdən ayrılmağımın səbəbini bilir və anlayışla qarşıladılar. Bu səbəbləri isə açıqlamağı etik saymıram”.

Qeyd edək ki, bir müddət əvvəl bir neçə əməkdaş kanaldakı işindən ayrılıb.