Cümə axşamı , Oktyabr 29 2020
Ana səhifə / Köşə Yazarları / Natiq Cavadlı Baş Prokurorluqda dindirilib

Natiq Cavadlı Baş Prokurorluqda dindirilib

«Meydan TV» ilə əməkdaşlıq etmiş jurnalist Natiq Cavadlı fevralın 6-də Baş Prokurorluqda dindirilib. Jurnalistin dindirilməsi iki saata yaxın davam edib.

Bu haqda Azadlıq Radiosuna N.Cavadlı xəbər verib. Dindirmənin əvvəllər əməkdaşlıq etdiyi «Meydan TV»nin fəaliyyəti ilə bağlı olduğunu deyən jurnalist detallar haqda danışmayıb. Ondan bununla bağlı iltizam alınıb.

Jurnalisti müstəntiq Əli Babayev dindirib.

Son həftələrdə jurnalistlərin, özəlliklə «Meydan TV» ilə əməkdaşlıq edənlərin prokurorluğa çağırılması intensivləşib. Fevralın 5-də «Meydan TV» ilə əməkdaşlıq etmiş daha iki jurnalist – Sevinc Vaqifqızı və Aytac Əhmədova Baş Prokurorluqda dindirilmişdilər.

«Meydan TV» 2013-cü ilin sonunda yaradılıb və xaricdən yayımlanır. İnternet televiziyasının əməkdaşları 2015-ci ilin avqustunda Mingəçevir polis şöbəsində naməlum şəraitdə vəfat edən Bəhruz Hacıyevin ölümü və bundan sonra baş verən etiraz aksiyalarını işıqlandırmışdılar.

Bundan sonra isə internet televiziyasının əməkdaşları prokurorluğa çağırılaraq dindirilməyə başladı. O vaxt dindirilən jurnalistlər deyirdilər ki, Mingəçevir hadisələri ilə bağlı çağırılsalar da, onlardan daha çox «Meydan TV»nin fəaliyyəti ilə bağlı soruşulur.

Həmçinin oxuyun

Sizin “ədalətinizə” tüpürüm!

Doğulub boya-başa çatdığım kənd oktyabrın 19-da rəşadətli Azərbaycan Ordusu tərəfindən azad olundu. İndi bizim ellərdə …

Bir cavab yazın