Müsəlmanlara qarşı zorakılıq şiddətləndi -Kütləvi şəkildə köçürlər – VİDEO

Myanmanın Rakxayn ştatında məskunlaşan müsəlmanlar kütləvi şəkildə evlərini tərk etmək məcburiyyətində qalıblar.

AzNews.az xarici mətbuata istinadən xəbər verir ki, buna səbəb sözügedən bölgədə onlara qarşı dini zəmində zorakılıq hallarının artması olub.

Rohincalarla onlara qarşı çıxan buddistlər arasında baş qaldıran sonuncu qarşıdurmalarda 100-dən çox müsəlman öldürülüb. Onlarla müsəlmanın evləri yandırılıb.

Vəziyyətlə əlaqədar müsəlmanlar qonşu Banqladeşə mühacirət etmək məcburiyyətində qalıblar. Son bir neçə gündə artıq 9 minə yaxın rohinca müsəlmanı Banqladeşə sığınıb.