Gürcüstanın Azərbaycana nə qədər borcu var?

Gürcüstanın Azərbaycana 6,874 milyon dollar borcu var.

Bu barədə Gürcüstan Maliyyə Nazirliyinin aylıq hesabatında bildirilib.

Qeyd olunub ki, ümumilikdə Gürcüstanın xarici dövlət borcu 5 392 830 milyon dollar məbləğindədir. Bunun 5 186 895 milyon dolları hökumətin payına düşür.

Qonşu Gürcüstanın ən çox borcu olduğu ölkələrin siyahısında birinci yerdə 312,531 milyon dollarla Almaniyadır. Üçlükdə sonrakı yerləri Fransa (229,057 milyon dollar) və Yaponiya (213,946 milyon dollar) tutur.

Bundan əlavə, Gürcüstanın Türkiyəyə 13,209 milyon, Rusiyaya 53,772 milyon dollar borcu var.