Fətullah Gülənin sponsorunun 10 milyard dollarına əl qoyuldu

Məşhur türk iş adamı Akın İpəyin (Koza – İpek Holding) 18 şirkətinin əmlakı müsadirə edilib.

“Milliyet” yazır ki, qərara əsasən, şirkətlərin 10 milyard dollarlıq əmlakı Əmanətlərin sığortalanması fondunun hesabına köçürülüb. Bu fond, öz növbəsində, şirkətlərin satışı, yaxud ləğvi barədə qərar qəbul edə bilər.

Akın İpəyin özünün həbsinə qərar verilib. O, FETÖ ilə əlaqələrdə şübhəli bilinir. Hazırda iş adamı axtarışdadır.

Akın İpək FETÖ-nün maliyyələşdirilməsində ittiham edilir.