“Dünyanı ağır iqtisadi çökmə gözləyir” – BVF rəhbəri

“Koronavirus pandemiyasına görə bu il dünyanı ən ağır iqtisadi çökmə gözləyir”.

Azvision.az “RİA Novosti” xəbər verir ki, bunu Beynəlxalq Valyuta Fondunun Sərəncamçı direktoru Kristalina Georgiyeva deyib.

“Koronavirus ictimai və iqtisadi həyatımızı sürətlə və indiyədək görülməmiş miqyasda sarsıdıb. Bunun nə qədər dərin və davamlı olacağını bilmirik”, -deyə o əlavə edib.

Qeyd edək ki, bir çox ölkələr koronavirus pandemiyası ilə mübarizə aparmaq üçün Beynəlxalq Valyuta Fondundan (BVF) maliyyə köməkliyi istəyib. 80 ölkə tərəfindən tələb olunan vəsaitin ümumi məbləği 20 milyard dolları ötüb.