Cümə axşamı , Noyabr 26 2020
Ana səhifə / İdman / “Qarabağ”ın yeni transferi ulduz futbolçularla eyni sırada

“Qarabağ”ın yeni transferi ulduz futbolçularla eyni sırada

UEFA 2019/2020 mövsümündə avrokubokların qrup mərhələsində ən çox məhsuldar ötürmə verən futbolçuların adlarını açıqlayıb.

“Report”un məlumatına görə, siyahıda “Qarabağ”ın yeni transferi Uroş Matiç də var.

Kipr APOEL-i ilə müqaviləsi başa çatdıqdan sonra Ağdam təmsilçisinə keçən serbiyalı yarımmüdafiəçinin aktivində 4 qol ötürməsi var.

30 yaşlı oyunçu bu göstərici ilə İngiltərə “Mançester Yunayted”indən Brunu Fernandeş, “Mançester Siti”dən Riyad Mahrez, Fransa PSJ-sindən Kilian Mbappe və Anxel Di Mariya, Almaniya “Bavariya”sından Koranten Tolisso və “Liverpul”dan Roberto Firmino ilə birlikdə 3-cü pilləni bölüşdürür.

Siyahıya 6 məhsuldar ötürmə ilə Portuqaliya “Braqa”sından Qaleno başçılıq edir. İkinci sırada Niderland “Ayaks”ını İngiltərənin “Çelsi” klubuna dəyişən Hakim Ziyeş (5 məhsuldar ötürmə) qərarlaşıb.

Koronavirus pandemiyası səbəbindən təxirə salınmış avrokuboklarda 2019/2020 mövsümü bu gün UEFA Avropa Liqasının 1/8 final mərhələsinin cavab matçları ilə bərpa olunacaq.

Qeyd edək ki, Uroş Matiç “Qarabağ”la 2+1 illik müqavilə imzalayıb.

Həmçinin oxuyun

Əfsanəvi Dieqo Maradona vəfat etdi

Argentinalı futbol əfsanəsi Dieqo Maradona vəfat edib. Azinforum.az xarici KİV-ə istinadən xəbər verir ki, veteran hücumçu …