“Qalatasaray”ın prezidenti azərbaycanlı uşağın arzusunu yerinə yetirdi –VİDEO

Bu mövsüm Türkiyə Super Liqasında çempion “Qalatasaray” oldu.

Sportinfo.az xəbər verir ki, Azərbaycanda da “Cim-Bom” azarkeşləri çoxdur. 7-dən 77-yə bu kluba fanatlıq edən, “sarı-qırmızılılar”a könül verən milyonlarla fanat var. Onlardan biri də Heydər Əliyev Liseyinin 2-ci sinif şagirdi Ehtimad Nəsiblidir. Bugünlərdə doğum gününü qeyd edən azyaşlı

“Cim-Bom” fanatına ən böyük, gözlənilməz hədiyyə isə “Qalatasaray” prezidenti Dursun Özbekdən gəlib. İstanbul klubunun başqanı Ehtimada Sportinfo.az vasitəsilə öz təbriklərini çatdırıb:”Əzizim, Ehtimad! Doğum gününü qeyd edirsən. Sağlam böyü, Azərbaycanda “Qalatasaray” azarkeşlərinin daha da çoxalmasında yaxından iştirak et, “Cim-Bom”lu olmasına vasitəçilik et. “Qalatasaray”lı olmağınla qürur duy. Təbrik edirəm, doğum günün mübarək olsun, Ehtimadım mənim”.