Türkiyə Super Liqasının 19-cu turunun oyunları davam edir.
Lider “Qalatasaray” öz meydanında “Antalyaspor”u qəbul edib. Oyun meydan sahiblərinin qələbəsi ilə başa çatıb – 2:1.
“Qalatasaray” 49-cu dəqiqədə Mauro İkardi ilə hesabı açıb. Bundan 5 dəqiqə sonra “Antalyaspor” Luiz Adriano ilə hesabı bərabərləşdirib. 59-cu dəqiqədə Floranusun öz qapısına vurduğu qol oyunda yekun hesabı müəyyənləşdirib.
Bu qələbə ilə “Qalatasaray” xallarının sayını 45 çatdırıb və liderliyə davam edib.