Azinforum.az İnformasiya Portalı Onlayn Xəbər Portalı
Azinforum.az-ın əməkdaşları Bakıdakı bahalı otellərdən birinin dayanacağında gördükləri idman avtomobili sayılan “Chevrolet Corvette”nin fotosunu çəkiblər. Həmin avtomobilin sahibinin kim olması və otelə hansı məqsədlə kəlməsi bizim üçün önəmli deyil. Diqqətimizi avtomobilin dövlət nömrə nişanınında olan seriyası çəkdi. Məlum olduğu kimi “AA” seriyası xidmətin avtomobillərə verilir. Bu idman maşınından hansısa nazirin və ya başqa yüksək vəzifəli şəxsin xidməti avtomobil kimi istifadə etməsi də inandırıcı görünə bilməz.
Azinforum.az-ın apardığı araşdırma nəticəsində məlum olub ki, 60 AA 050 dövlət nömrmə nişanlı bu idman avtomobilini Kamal adlı bir gənc oğlan tərəfindən idarə olunur. Həmçinin məlum olub ki, avtomobilin qiyməti 100 min manatdan artıqdır. Maraqlıdır, Kamal kimdir ki, onun öz şəxsi məqsədləri üçün istifadə etdiyi idman avtomobilinə xidməti seriyalı dövlət nömrə nişanı verilib? Bu xüsusi imtayızın göstəricisidirsə, tam qanunsuzdu. Yox, maşın doğurdan da hansısa dövlət qurumunun balansındadırsa, onda bizim üçün maraqlıdır ki, belə yüksək sürət eşqilə alışıb yanan məmur kimdir? Təəssüflər olsun ki, Dövlət Yol Polisinin əlaqədar qurumlarından bu suallarımıza cavab ala bilmədik. Qeyd edək ki, 60-la başlayan nömrə seriyası Tovuz rayonuna məxsusdur. Mövzuya qayıdacayıq…
Rövşən ƏLİ
Azinforum.az
