Rusiya Zelenskinin andiçmə mərasiminə dəvət olunmadı

Rusiya Ukraynanın yeni Prezidenti Vladimir Zelenskinin mayın 20-də keçiriləcək inauqurasiyasına dəvət olunmayan ölkələr sırasındadır.

TASS bildirir ki, bu barədə Ukrayna Xarici İşlər Nazirliyinin spikeri Yekaterina Zelenko məlumat verib.

“Rusiya Federasiyası bu tədbirə dəvət edilməyib. Mərasimə bizim tərəfdaşımız və dostlarımız olan ölkələri dəvət etmişik”, – deyə Zelenko “112 Ukraina” telekanalının efirində bildirib.