Cümə , Oktyabr 30 2020
Ana səhifə / Dünya / İranda etirazların ikinci dalğası başlayıb – Fotolar

İranda etirazların ikinci dalğası başlayıb – Fotolar

İran hökumətinin Ukraynanın yanvarın 8-də qəzaya düşmüş “Boeing 737” sərnişin təyyarəsinin səhvən vurulmasını etiraf etməsindən sonra başlayan etiraz aksiyaları davam edir.

“Qafqazinfo” “BBC”yə istinadən xəbər verir ki, nümayişçilər hökumətin qəza ilə bağlı günahını boynuna almasından sonra ikinci aksiyalara start veriblər. Bu dəfə etirazlara Tehran universitetlərindı, eləcə də digər şəhərlərdə başlanılıb.

Tehranın Azadi meydanında və digər ərazilərdə nümayişçilərə qarşı mübarizə aparmaq məqsədilə polis dəstələri yerləşdirilib

Mitinq iştirakçıları Tehranda Şahid-Beheşti Universitetinin girişində ABŞ və İsrail bayraqlarının təsvirini tapdamaq istəməyərək yan keçirlər. Onlar eyni zamanda hökumət əleyhinə “Bizi aldadırlar, düşmənimiz Amerika deyil, düşmənimiz buradadır” şüarını səsləndiriblər.

Meydanda aksiyaçılarla hüquq-mühafizə orqanlarının əməkdaşları arasında toqquşma olduğu da deyilir. Polis gözyaşardıcı qazdan istifadə edib.

Aksiyaları işıqlandıran mətbu orqanlar isə reportajlarına “Biabırçılıq”, “Bağışlamaycağıq” sərlövhələrini seçiblər.

Bəzi kütləvi informasiya vasitələri isə hökuməti səhvini boynuna aldığı üçün təqdir edib.

İrandakı ikinci etiraz dalğasına ilk reaksiya ABŞ Prezidenti Donald Tramp tərəfindən göstərilib. O, Tvitter hesabından İran hakimiyyətini etirazçılara qarşı güc tətbiq etməməyə çağırıb:

“İran rəhbərlərinə – etiraz edənləri öldürməyin. Minlərlə insan artıq öldürülüb, və ya həbs edilib. Bunu bütün dünya görür. Daha da önəmlisi bunu ABŞ görür. İnterneti qaytarın  və jurnalistlərə azad hərəkət etməyə icazə verin! Çox gözəl İran xalqınızı öldürməyi dayandırın!”.

Xatırladaq ki, bundan əvvəlki aksiyada İraqda öldürülən general Qasım Süleymaninin ictimai yerlərdə asılan şəkilləri cırılmışdı.

Həmçinin oxuyun

Dünyada koronavirusa yoluxanların sayı 45 milyon nəfəri ötdü

Dünyada COVID-19-a yoluxma hallarının sayı 45 milyonu keçib. Bu barədə “Report” ayrı-ayrı ölkələrin statistikasına istinadən …