“Xanımlara diqqət edib, sevgi göstərilməlidir, amma bunu bacaran da var, bacarmayan da”

Bu gün Beynəlxalq 8 Mart Qadınlar Günüdür. Görəsən, haqlı-haqsız yerə ilboyu xətirlərinə dəydimiz xanımları heç olmasa bu bayram günündə layiqincə təbrik edə bilirikmi?

Moderator.az-ın sualını cavablandıran yazıçı, millət vəkili Aqil Abbas təkcə 8 martda deyil, həmişə xanımlara diqqət göstərməyin gərəkli olduğunu bildirdi:
“Dünyanın ən qabaqcıl ölkələrində, Avropanın ən inkişaf etmiş dövlətlərinin özündə belə ola bilməz ki, xanımların xətrinə dəyməyib, bütün günü onları təbrik etsinlər. Xanımlara qarşı hər kəsin öz baxışı var. Ona diqqət edib, sevgi göstərməlidirlər. Bunu bacaran da, bacarmayan da var. Təkcə, 8 martda deyil, hər gün xanıma həm cəmiyyət, həm də dövlət diqqət göstərməlidir. Çünki xanımların buna tam haqqı var”.