Azinforum.az xəbər verir ki, bu gün görkəmli akademik Cəlal Əliyevin vəfatının bir ili tamam olur. Saytımızın əməkdaşları Cəlal Əliyevlə tələbəlik illərindən tanış olan və sonradan da onunla sıx ünsiyyət saxlayan Milli Məclisin sabiq deputatı Musa Musayevdən mərhum akademik haqda xatirələrini bölüşməyi xahiş edib. Sabiq millət vəkili bildirib ki, o, Cəlal Əliyev barədə hər zaman yüksək fikirdə olub:
“Çox təəssüflər olsun ki, biz bu cür görkəmli şəxsiyyəti itirdik. Amma buna baxmayaraq, onun xatirəsi bizim üçün daima əzizdir. Cəlal Əliyevin Azərbaycan dövləti qarşısında müstəsna xidmətləri olub. Onun barəsində çox xoş sözlər söyləmək olar. Bir sözlə, Cəlal Əliyev bizim yaddaşımızda görkəmli elm adamı olmaqla yanaşı, həm də, prinsipial insan, mərd və sözünə bütöv olan kişi kimi qalıb. Mən 2003-cü ildə Milli Məclisin tribunasından onun barəsində səsləndirdiyim fikirlərin üzərində bu gün də dayanıram”.
Azinforum.az Musa Musayevin məlum çıxışını təqdim edir. Paylaşılan videonun 13-cü dəqiqəsindən sonra Musa Musayevin akademik Cəlal Əliyev barəsində səsləndirdiyi fikirlərlə tanış ola bilərsiniz.
Aytən CEYHUNQIZI
AZİNFORUM.AZ