“Aprel döyüşləri düşmənə sübut etdi ki, Azərbaycanın nə qədər qəhrəman oğulları var. Düşmən bilsin ki, işğaldan azad etdiyimiz yerlərdə dalğalanan bayrağımız bir gün işğal altında olan bütün torpaqlarımızda dalğalanacaq”.
Bunu AzVision.az-a aprel döyüşlərində şəhid olan “Murov Qartalı” ləqəbli əfsanəvi kəşfiyyatçı Raquf Orucovun oğlu Aqşin Orucov deyib.
“ADA universitetindəki təhsildən razıyam. Atamda burada təhsil almağımı istəyirdi. Atamın arzusunu yerinə yetirdiyim üçün xoşbəxtəm. Çalışıram ki, atamın adına layiq təhsil alım. Nəticələrim hamısı yüksəkdir. Ən çox arzum səfir olmaqdıdır. Bu sahə üzrə təhsil alıram. Gələcəkdə Azərbaycanı xarici ölkələrdə layiqincə təmsil etmək istəyirəm” – Aqşin Orucov əməkdaşımızla söhbətində deyib.