Arif Quliyevin xanımı çətin vəziyyətdədir

Mərhum Xalq artisti Arif Quliyevin ailəsinin maddi sıxıntıları var.

Bu barədə sənətçinin xanımı Gülzar Quliyeva məlumat verib.

O, ailə başçılarını itirdikdən sonra çətinliklə yaşadığını deyib:

“Özüm də xəstəyəm, dərmanlarım çox bahadır. Qara ciyər serrozundan əziyyət çəkirəm. Arifin dostlarının hamısı bizimlə maraqlanır, kömək edirlər. “Semaşko”da müalicə olunurdum, pandemiyaya görə ora bağlandı. İndi evdən müalicə olunuram”.

Qeyd edək ki, Arif Quliyev bu ilin mayında koronavirusdan dünyasını dəyişib.