“SPULT” Məhdud Məsuliyyətli Cəmiyyəti ilə müştərisi arasında yaranan
narazılıq məhkəmələrə qədər gedib çıxıb. Bu barədə cəmiyyətdən verilən
məlumatda qeyd edilir. “SPULT” Məhdud Məsuliyyətli Cəmiyyətinin rəhbəri
Azad Əliyevin sözlərinə görə, MMC Məmmədov Samir Ağamməd oğlunun
sahibkarlıq fəaliyyətinin inkişafı üçün ona lazım olan xammal və mal
materialları nəğd və nisyə ödəniş qaydasında verirdi:
“O,
xammalların və materialların pulunu aldığı vaxtdan sonra (bir-iki ay
müdətinə) ödəyirdi. Samir Məmmədovun 2017-ci ilədək bizə ümumilikdə
61.105,2 ABŞ dolları, 2.250 manat və 500 avro borcu qalıb. Samir
Məmmədov 2017-ci ilin iyul ayınadək watsap vasitəsilə şirkətimizə olan
borcunun ödənilməsi üçün, müəyyən əmlaklarının satılmasına qədər ona
möhlət verilməsini istəmişdi”.
A.
Əliyev deyir ki, Samir Məmmədov şirkətə olan borcunu uzun müddət
ödəməkdən yayındığı üçün 2018-ci ilin yay aylarında ona qarşı Bakı şəhər
Nəsimi rayon Məhkəməsində iddia qaldırılıb:
“Nəsimi
rayon Məhkəməsinin hakimi Pərviz Hüseynov iş materiallarına əlavə
olunmuş Samir Məmmədovun imzalı qəbzlərini (sübutları) əsas götürərək,
iddiamızı təmin edib. Qətnamədən narazı qalan cavabdeh Samir Məmmədov
Bakı Apellyasiya Məhkəməsinə apellyasiya şikayəti verib. Bakı
Apellyasiya Məhkəməsinin Mülki Kollegiyasının hakimi Vahid Sadıqov
məhkəmə prosesini bir iclasa tələskənliklə, araşdırmadan, hətta bizim
nümayəndənin apellyasiya şikayətinə münasibətini dinləmədən əvvəlki
qətnaməni ləğv edib. Qeyd edək ki, Bakı Apellyasiya Məhkəməsində Samir
Məmmədov nümayəndəmizə adamının güclü olduğunu və onların tapşırıqları
əsasında məhkəmə instansiyalarında hər zaman bizə qalib gələcəyini
bildirib. Bizlər onun sözlərinə məhəl qoymadan Azərbaycan
Respublikasının hüquqi və demokratik dövlət olduğunu nəzərə alaraq Bakı
Apellyasiya Məhkəməsinin qətnaməsindən Ali Məhkəməyə kassasiya şikayəti
verdik. Bir neşə gün bundan öncə Samir Məmmədov təkrarən bizə “Ali
Məhkəməyə elə bir knopka basdırmışam ki, sizin şikayət təmin oluna
bilməz” deyə bildirdi”.
Şirkət rəhbəri bunları da əlavə edib:
“Onu
da nəzərinizə çatdırmaq istəyirəm ki, bizim tərəfimizdən iddia müddəti
ötürülməyib. Konstitusiya Məhkəməsinin Mülki Məcəllənin 380-ci
maddəsinin şərh olunmasına dair Qərarına əsasən, Samir Məmmədov borcun
ödənilməsi üçün 2017-ci ilin iyul ayınadək möhlət istədiyindən iddia
müddətinin ötürülməsindən söhbət gedə bilməz. Birincisi, Bakı
Apellyasiya Məhkəməsinin hakimi Vahid Sadıqov MM-nin 380-ci maddəsini
görməməzlikdən gələrək Samir Məmmədovun tələbini əsaslı sayıb. İkincisi
isə Ali Məhkəmənin hakimi İlqar Xələfovun da həmin maddəni və
Konstitusiya Məhkəməsinin qərarını əsas götürərək, bizim şikayətimizin
əsaslı olduğunu, Bakı Apellyasiya Məhkəməsinin qətnaməsini ləğv
edəcəyini və Samir Məmmədov tərəfindən olan təzyiqlərə məhəl qoymadan
qanuni qərar qəbul edəcəyinə əminik. Cənab Prezident İlham Əliyev bütün
məhkəmələrə vətəndaşların pozulmuş hüquqları ilə əlaqədar qanuni və
obyektiv araşdırma aparılmasına, müəyyən şəxslər tərəfindən məhkəmələrə
olan təzyiqlərin qarşısının alınmasına dair tapşırıqlar verib. Güman
edirik ki, Ali Məhkəmə Samir Məmmədovun havadarlarının təztiqlərinə və
“knopkaları”na məhəl qoymadan qanuni və əsaslı qərar qəbul edəcək”.
Qeyd
edək ki, “SPULT” Məhdud Məsuliyyətli Cəmiyyəti qida və qeyi-qida
məhsullarının hazırlanması üçün xammalların satışı ilə məşğul olur.
Ana səhifə / Cəmiyyət / “Ali Məhkəməyə elə bir knopka basdırmışam ki, sizin şikayət təmin oluna bilməz” – Çəkişmə…
Həmçinin oxuyun
Yeni Klinikada nə baş verir?
TƏBİB-in (Tibbi Ərazi Bölmələrini İdarəetmə Birliyi) tabeliyində fəaliyyət göstərən Yeni Klinikanın Daxili Mühafizəsinin rəisi korrupsiyada …