Cümə , Noyabr 15 2019
Ana səhifə / Araşdırma / Şair Saday Şəkərlinin vəziyyəti pisləşib

Şair Saday Şəkərlinin vəziyyəti pisləşib

Bakı Ağır Cinayətlər Məhkəməsinin hökmü ilə 10 il müddətinə azadlıqdan məhrum edilən şair Saday Şəkərlinin səhhətində ciddi problem yaranıb.

Bu barədə  S.Şəkərlinin vəkili Bəhruz Bayramov bildirib.

Vəkil qeyd edib ki, hazırda 1 saylı Bakı İstintaq Təcridxanasında saxlanılan S.Şəkərlinin səhhəti pisləşib: “Ürəyində problemlər var, şəkər xəstəliyindən əziyyət çəkir. Hətta bir neçə dəfə vəziyyəti ağırlaşdığına görə tibb məntəqəsinə köçürülüb”.

Vəkil müdafiə etdiyi şəxsin səhhətində ciddi problemlər yarandığını, S.Şəkərlinin ailə üzvləri və vəkilləri onun müalicə müəssisəsinə köçürülməsi barədə müraciət etdiklərini bildirib.

İttihama görə, Bakı şəhər sakini S.Şəkərlinin külli miqdarda əmlak əldə etmək məqsədilə Vergilər Nazirliyinin vəzifəli şəxsi haqqında kütləvi informasiya vasitələrində ifşaedici, onu nüfuzdan salan, uydurma yazılar yazmaqla, barəsində rüsvayedici məlumatlar yayma hədəsi ilə tələb etdiyi 10 min manat məbləğində pulu almasında şübhələr üçün əsaslar olduğundan faktla bağlı Cinayət Məcəlləsinin 182.3.2-ci (külli miqdarda əmlakı hədə-qorxu ilə tələb etmə) maddəsi ilə cinayət işi başlanıb.

S.Şəkərli iş üzrə təqsirləndirilən şəxs qismində cəlb edilərək, ona Cinayət Məcəlləsinin qeyd edilən maddəsində nəzərdə tutulan ittiham elan edilməklə, məhkəmənin qərarı ilə barəsində həbs-qətimkan tədbiri seçilib.

Qeyd edək ki, S.Şəkərov Azərbaycan Yazıçılar Birliyinin üzvü, şairdir.

Virtualaz.org

Həmçinin oxuyun

Mustafa Kamal Atatürk Britaniya kəşfiyyatının hesabatlarında: onun haqqında nə deyilirdi? – ARAŞDIRMA

Bundan 100 il əvvəl hazırlanmış kəşfiyyat hesabatlarından görünür ki, Mustafa Kamal Atatürk 1919-cu ilin may …

Bir cavab yazın