Cümə , Avqust 23 2019
Ana səhifə / Araşdırma / Penitensiar Xidmətdən qiyam xəbərinə reaksiya

Penitensiar Xidmətdən qiyam xəbərinə reaksiya

Ədliyyə Nazirliyinin Penitensiar Xidməti Bakı İstintaq Təcridxanasında və bəzi cəzaçəkmə müəssisələrində məhkumların qanunazidd hərəkət etməsi və nəticədə qarşıdurma yaranması barədə yayılan məlumatlara münasibət bildirib.

Penitensiar xidmətdən Qaynarinfo.Az-a verilən xəbərə görə, məlumatda xatırladılıb ki, son günlərdə bəzi kütləvi informasiya vasitələrində Ədliyyə Nazirliyinin Penitensiar xidmətinin tabeçiliyində olan ayrı-ayrı müəssisələrdə, o cümlədən 13 və 6 saylı cəzaçəkmə müəssisələrində, Bakı İstintaq təcridxanasında məhkumlara qarşı qanuna zidd hərəkətlərin törədilməsi, cəza çəkənlər arasında kütləvi iğtişaşların baş verməsi, müəssisələrə xüsusi təyinatlı dəstələrin yeridilməsi, məhkumlardan, eləcə də onlara baş çəkən qohumlarından pul tələb edilməsi kimi həqiqəti əks etdirməyən məlumatlar dərc edilir.

“Penitensiar xidmətin rəhbərliyi və kollektivi bu kimi böhtan xarakterli və qərəzli məlumatların son zamanlar xidmətdə aparılan müsbət işlərə kölgə salmaq, əhalidə çaşqınlıq, cəza çəkənlər və onların yaxın qohumları arasında əsassız narahatçılıq yaratmaq məqsədi daşıdığını bildirir”, – məlumatda bildirilib.

Həmçinin, Penitensiar xidmət bir daha ictimaiyyətin və kütləvi informasiya vasitələrinin nəzərinə çatdırır ki, bu gün bəzi saytlarda “Bakı istintaq təcridxanasında qiyam: qoşun yeridildi” başlıqlı məlumatın heç bir əsası yoxdur: “Tabeçilikdə olan cəzaçəkmə müəssisələrində və istintaq təcridxanalarında əməliyyat şəraiti sabitdir, tam nəzarət altındadır, cəzaların icrası və çəkilməsi qaydalarına, mövcud qanunvericiliyin tələblərinə tam uyğun şəkildə riayət olunur”.

Həmçinin oxuyun

Azərbaycanlıların İrana axın etməsinin 3 əsas səbəbi

Ekspert: “Ticarət və səhiyyə xidmətlərindən istifadə, dini ayinlərin icrası məqsədi üstünlük təşkil edir” Cari ilin …

Bir cavab yazın