Şənbə , Avqust 24 2019
Ana səhifə / Araşdırma / Məşhur “işgəncə kralı” həbs oluna bilər

Məşhur “işgəncə kralı” həbs oluna bilər

Azərbaycan həbsxanalarında işgəncələr və qeyri-insani rəftar halları dünyanın nüfuzlu qurumlarının illik hesabatlarından da çıxmır. Ölkəmizdə cəza-icra siyasəti ilə bağlı müəyyən addımlar atılsa da praktikada işgəncələr ciddi problem olmaqda davam edir. Gununsesi.info-ya Azərbaycan həbsxanalarındakı məhkumlar arasında “işgəncə kralı” kimi tanınan Penitensiar Xidmətin 6 saylı cəzaçəkmə müəssisəsinin sabiq rəisi Əli Əmirov barəsində prokurorluqda araşdırma aparıldığı barədə məlumat daxil olub. Məlumatda qeyd olunur ki, bu yaxınlara qədər 6 saylı cəzaçəkmə müəssisəsinin rəisi olan Əli Əmirovun işdən kənarlaşdırılmasına əsas səbəb də işgəncələrə dair şikayətlərin çoxluğu olub. Sabiq rəis barəsində isə araşdırmanın bir neçə ay öncə həmin müəssisədə işgəncə nəticəsində ölən məhkumlardan biri ilə bağlı olduğu deyilir. Xəbərə görə, müəssisədəki işgəncə faktları xarici təşkilatların hesabatlarına daxil olub. Bu səbəbdən də yenidən araşdırma başlanıb.
Gununsesi.info-nun sorğusuna cavab olaraq, Əli Əmirov həbs olunma ehtimalından danışıb. Sabiq rəis bildirib ki, hazırda belə bir araşdırma yoxdur, özü isə sərəncamdadır.

Həmçinin oxuyun

Fabrik, otel, zavod… – Deputat Ağalar Vəliyevin şübhəli sərvəti sərhədlərimizi aşıb + FOTOLAR

İstanbulun tam mərkəzində, Sultanəhməd məscidi yaxınlığında yerləşən Aybar oteli 2015-ci ildə istifadəyə verilib. Dördmərtəbəli dördulduzlu …

Bir cavab yazın