Bazar ertəsi , Avqust 19 2019
Ana səhifə / Araşdırma / Mərhum müğənni İlhamə Quliyevanın köməkçisi azadlığa buraxıldı

Mərhum müğənni İlhamə Quliyevanın köməkçisi azadlığa buraxıldı

Mərhum müğənni İlhamə Quliyevanın sabiq köməkçisi Mehriban Hüseynovanın cinayət işi üzrə məhkəmə prosesi başa çatıb.

Musavat.com xəbər verir ki, hakim Səbuhi Hüseynovun sədrliyi ilə keçirilən prosesdə M.Hüseynovaya hökm oxunub.

Məhkəmənin hökmü ilə M.Hüseynovanın barəsində Cinayət Məcəlləsinin 70-cı maddəsi tətbiq olunaraq, ona 1 il 3 ay şərti cəza verilib. M.Hüseynova məhkəmə zalından azadlığa buraxılıb.

Xatırladaq ki, prokuror müğənni İlhamə Quliyevanın 2 milyon 700 min manat dəyərində olan daşınan və daşınmaz əmlakını ələ keçirmək məqsədi ilə saxta sənəd hazırladığını əsas gətirərək, M.Hüseynovanın 8 il müddətinə azadlıqdan məhrum edilməsini istəmişdi.

Qeyd edək ki, mərhum müğənni İ.Quliyevanın sabiq köməkçisi M.Hüseynova 2015-ci il oktyabr ayının 21-də həbs edilib. Onun barəsində Cinayət Məcəlləsinin 29.180.3.2-ci (soyğunçuluğa cəhd, zərərçəkmiş şəxsə külli miqdarda ziyan vurmaqla törədildikdə) maddəsi ilə cinayət işi başlanıb.

Həmçinin oxuyun

Mirşahin Gəncə hadisələrində tutulanlar haqda faktları açıqladı – Video

Real TV-nin rəhbəri Mirşahin Ağayev Gəncə hadisələri ilə bağlı saxlanılan şəxslər barəsində bir sıra məlumatları …

Bir cavab yazın