Çərşənbə , Oktyabr 21 2020
Ana səhifə / Araşdırma / Külli miqdarda pul mənimsəyən bankir Azərbaycandan qaçdı – FOTO

Külli miqdarda pul mənimsəyən bankir Azərbaycandan qaçdı – FOTO

“Royalbank”ın sabiq filial müdiri beynəlxalq axtarışa verilib
“Royalbank”ın sabiq filial müdiri Rinad Məmmədli beynəlxalq axtarışa verilib. Lent.az-ın İnterpol-a istinadən verdiyi məlumata görə, 1982-ci il təvəllüdlü R.Məmmədli mənimsəmə və ya israf etmə, pul vəsaitlərinin və ya digər əmlakın leqallaşdırılması, vəzifə saxtakarlığı kimi cinayət əməllərində təqsirli bilinir.
R.Məmmədli məhkəmə prosesindən yayındığı üçün ölkədaxili axtarışa verilib və daha sonra onun ölkəni tərk etdiyi məlum olub.
Qeyd edək ki, “Royal Bank”ın Xəzər filialının sabiq müdiri Rinad Məmmədli, filialın xəzinədarı Rasif Əliyev, mütəxəssisi Ayaz Şirəliyev və başqaları qabaqcadan əlbir olaraq pul vəsaitlərinin vətəndaşlara verilməsi barədə saxta kredit müqavilələri, məxaric orderləri və sair rəsmi sənədlər tərtib etməklə 459 min 571 manat məbləğində pul vəsaitini mənimsəməkdə ittiham olunublar.
Bundan başqa, Rinad Məmmədov taladığı pulun 163 min 338 manatını Abşeron rayonu, Qobu qəsəbəsində əldə etdiyi 0,1 ha torpaq sahəsində inşaat materiallarının istehsalı sexi, inzibati bina və sair tikililərin inşasına və təsis etdiyi “Caspian-017 Production” MMC-nin adından kafel-metlax yapışdırıcısının istehsalına sərf edərək cinayət yolu ilə əldə etmiş olduğu külli miqdarda pul vəsaitlərini leqallaşdırıb.
2013-ci ildə Bakı Ağır Cinayətlər Məhkəməsinin hökmü ilə Rinad Məmmədov, Rasif Əliyev, Ayaz Şirəliyev, Ramin Kərimov 3 il, Tamara Quliyeva, İftixar Həsənov, Orxan Ağayev, Samir Atakişiyev 2 il sınaq müddəti olmaqla, şərti cəza alıblar. Digər təqsirləndirilən şəxslər Rauf Qasımov və Mübariz Bayramovun hər birinin barəsində 1000 manat cərimə cəzası kəsilib.
Həmin hökmdən narazı qalan Baş prokurorluq apelyasiya protesti verib. Prokurorluq protestində birinci məhkəmə instansiyası məhkəməsinin hökmünün dəyişdirilməsi və mühakimə olunan şəxslərin barəsində ittiham hökmünün çıxarılmasını istəyib. Prokurorluq təqsirləndirilən şəxslərin məhkəmə zalından həbs edilməsini apelyasiya protestində qeyd edib.

7c1cc34db13f09b19a1e230f17735f74

Həmçinin oxuyun

Gəncəyə atılan ballistik raketlərin növü açıqlandı – Fotolar

“ANAMA-nın məlumatına görə, Gəncəyə atılan raketlər SKAD/Elbrus əməliyyat-taktik ballistik raketidir”. “ Azinforum.az ” xəbər verir ki, …

Bir cavab yazın