Cümə , Yanvar 22 2021
Ana səhifə / Araşdırma / Jurnalistin qətlinin əsas şübhəlisi polisə özü təslim olub

Jurnalistin qətlinin əsas şübhəlisi polisə özü təslim olub

Avqustun  8-də bir qrup naməlum şəxs tərəfindən döyülərək ağır və çoxsaylı bədən xəsarətləri alan, bir gün sonra yerləşdirildiyi klinikada vəfat edən jurnalist Rasim Əliyevin ölümündə şübhəli olan şəxslərlə bağlı müəmma var.
Dünən cinayətdə şübhəli olan şəxslərin bir neçəsinin məlum olduğu, bir nəfərin – futbolçu Cavid Hüseynovun bibisioğlunun isə həbs edildiyi barədə məlumat yayılsa da, gecə saatlarında Bakı Şəhər Baş Polis İdarəsinin növbətçi hissənin əməkdaşı məlumatı təkzib etmiş və demişdi: “Hələ ki araşdırmalar aparılır. Cinayətlə bağlı kiminsə saxlanıldığı barədə dəqiq məlumat yoxdur. Araşdırmalar bitdikdən sonra ictimaiyyətə geniş açıqlama veriləcək”.
Musavat.com-un əldə etdiyi məlumata görə, bu işlə bağlı həbs olunan şəxs var və bu, “Qəbələ” futbol komandasının sabiq kapitanı (dünən o, heyətdən kənarlaşdırılıb) Cavid Hüseynovun bibisioğlu Elşən İsmayılovdur.
Bu barədə redaksiyamıza məlumat verən mənbə bildirir ki, Elşən özü gedib və polisə təslim olub və hazırda istintaq təcridxanasındadır.
Onun 21 yaşı var, “AZAL” futbol komandasının əvəzedici heyətində, 49 nömrəli forma ilə müdafiəçi mövqeyində oynayır.

Həmçinin oxuyun

İradə Gülməmmədovanın əmlaklarının SİYAHISI

Abşeron İcra Hakimiyyətinin başçısı İradə Gülməmmədovaya məxsus əmlakların şok siyahısı üzə çıxıb. Siyahını təqdim edirik: …

Bir cavab yazın