Bakıda relslərin üzərində oynayan uşağı qatar vurub

Bakının Nərimanov rayonu ərazisində uşağı elektrovoz vurub.

“Report” xəbər verir ki, hadisə 2011-ci il təvəllüdlü Qasımov Yusif Nazim oğlu Keşlə qəsəbəsindən keçən dəmiryol relslərinin üzərində oynayarkən baş verib. Nəticədə uşaq ağır xəsarət alıb. Yaralı xəstəxanaya yerləşdirilib. Həkimlər onun vəziyyətini ağır kimi qiymətləndirirlər.

Fakt hüquq-mühafizə orqanı əməkdaşları tərəfindən araşdırılır.