Bakının bir çox rayonlarında gecədən etibarən təbii qazın verilişi dayandırılıb. Bu barədə sosial şəbəkələrdə də xeyli şikayətlər yazılıb.
“Azəriqaz”İstehsalat Birliyinin Mətbuat xidmətinin rəhbəri İbrahim Kərbalayev Musavat.com-a bildirib ki, təbii qazın verilməsində yaşanan problem, kəmərlərin birində axşam saatlarında baş verən qəza ilə bağlıdır:
“Gecə saat 1 radələrində “Qaradağ-Digah” magistral qaz kəmərində qəza baş verdi. Dərhal qaz kəmərinin bərpası istiqamətində işlər başladı. Saat 7 radələrində işlər başa çatdı. Lakin təhlükəsizlik baxımından təbii qazın verilişi zaat 9:00-dan bərpa olunub”.