Azinforum.az İnformasiya Portalı Onlayn Xəbər Portalı
Moderator.az xəbər verir ki, Türkiyənin Aydın şəhərində toydan sonra yeni aldıqları mənzilə yollanan bəy və gəlin 7-ci mərtəbəyə kranla qalxıb. Binanın inşaatını həyata keçirmiş firma liftin işləmədiyini görüb bəy və gəlinə kran çağırıb.
Əvvəlcə bunun zarafat olduğunu zənn edən bəy firma müdirinin fikrində ciddi olduğunu görəndə onu fikrindən daşındırmağa çalışıb. Ancaq müdir israr edincə bəy və gəlin kranla 7-ci mərtəbəyə qalxmağa razılaşıb.
Bəy və gəlin hündürlükdən qorxmadığını, ancaq inşaat firmasının kran surprizindən şok olduğunu dilə gətirib. İnşaat firmasinin müdiri isə toy günü liftdə texniki problem yarandığını, problemi gün ərzində aradan qaldıra bilmədiklərinə görə, bəy və gəlinə rahat olması üçün kran çağırdıqlarını qeyd edib.
