Hulusi Akar qətliamlar qarşısında susub indi atəşkəs təklif edənləri “ikiüzlü” adlandırdı

“Azərbaycan ərazilərinin işğalına səs çıxarmayanların atəşkəs çağırışı yerinə Ermənistanın Qarabağı tərk etməsini təmin etmələri doğru olardı”.

“Anadolu” xəbər verir ki, bunu Türkiyənin Milli Müdafiə naziri Hulusi Akar deyib.

“Ermənistanın Qarabağı işğalı və dinc əhalini qətliam etməsi qarşısında susqun qalanların sərgilədiyi mövqe ikiüzlülükdür. Bir 30 il də gözləməyə səbrimiz yoxdur. Həll mexanizmlərinin beynəlxalq miqyasda etimad qazanması üçün fürsət yaranıb”, – deyə nazir vurğulayıb.