Qar məktəblərdə davamiyyətə təsir edib – Nazirlik

Ölkə ərazisində müşahidə edilən qarlı hava şəraiti Respublika məktəblərində davamiyyətə təsir edib.

Bu barədə AzVision.az Təhsil Nazirliyinin mətbuat xidmətinin rəhbəri Cəsarət Valehov deyib. Nazirlik rəsmisi bildirib ki, qarın daha çox düşdüyü rayon və kəndlərdə gediş-gəliş çətin olduğu üçün şagirdlər dərsə getməyiblər.

“Bəzi bölgələrdə yerləşən məktəblərdə davamiyyət aşağı düşüb. Məlumatlar toplanır və yaxın saatlarda ətraflı məlumat verib veriləcək”.

C.Valehov qarın Bakıda yerləşən məktəblərdə davamiyyətə kifayət qədər mənfi təsir etdiyini deyib. Onun sözlərinə görə, davamiyyətin aşağı düşməsinə baxmayaraq, məktəblərin bağlanması nəzərdə tutulmur.