Çərşənbə axşamı , Mart 19 2024
Ana səhifə / Kriminal / Azərbaycanlılarla ermənilərin kütləvi davası – OMON qarışdı +Video

Azərbaycanlılarla ermənilərin kütləvi davası – OMON qarışdı +Video

Qarışıq döyüş növləri (MMA) üzrə Moskvada keçirilən АСВ 90  turnirində azərbaycanlılarla ermənilər arasında dava düşüb.

“Qafqazinfo” xəbər verir ki, bu barədə davada iştirak edən azərbaycanlılar sosial şəbəkələrdə yazıblar. Onların sözlərinə görə, tribunada baş verən davaya səbəb erməni azarkeşlərin əllərində qondarma Dağlıq Qarabağ Respublikasına aid bayraq tutmaları olub. Azərbaycanlı azarkeşlər hüquq-mühafizə orqanları əməkdaşlarını məsələdən xəbərdar etdiklərini, lakin heç bir tədbir görülmədiyini bildiriblər:

“İlk olaraq bizimkilərdən biri ermənilər oturduqları yerə soxuldu və bayrağı ələ keçirdi. Bu zaman kütlə onu döyməyə başladı. Digər qardaşımız köməyə getdi, ermənilərlə dava etməyə başladı. Ayaqqabısı ayağından çıxdı və onu geyinmək istədikdə ermənilərdən biri onu arxadan vurdu. O isə cavabında erməninin üzünə təpiklə vurdu. Bundan sonra tribunaya OMON bölmələri daxil oldular və bizi dubinkalarla oradan itələyib çıxardılar.

Biz bildirdik ki, bayrağı yığışdırmayana kimi oranı tərk etməyəcəyik. Polis əməkdaşı onların bayrağı ilə çölə çıxana kimi gözlədik. İstədiyimizə nail olmuşduq”.

Qeyd edək ki, sosial şəbəkələrdə yayılan digər videolarda ermənilərin “qarışmayın, onlar azərbaycanlılardır”, “biz evə necə gedəcəyik” dedikləri eşidilir.


Həmçinin oxuyun

Fazil Mustafanı güllələməkdə ittiham olunan şəxslər onun məhkəməyə gəlməsini tələb edir

Deputat Fazil Mustafa güllələnməsi ilə bağlı məhkəmə iclaslarına gəlmir. Ona qarşı sui-qəsddə ittiham olunan şəxslər …