İstanbulun Kartal bölgəsində çökən səkkizmərtəbəli binanın dağıntıları altından daha bir nəfərin cəsədi çıxarılıb.
Yerli mətbuat xəbər verir ki, hadisə nəticəsində ölənlərin sayı 12-yə çatıb. Hadisə yerində axtarış-xilasetmə işləri davam etdirilir.
Xatırladaq ki, hadisə fevralın 6-da baş verib. Araşdırma aparılır.
02/07/2019. 22:26
İstanbulda yaşayış binasının çökməsi nəticəsində ölənlərin sayı 10-a çatıb.
Bu barədə yerli KİV məlumat yayıb.
Bildirilir ki, hadisə nəticəsində 13 nəfər xəsarət alıb.
Ərazidə xilasetmə işləri davam etdirilir.
* * *15:00
İstanbulda 8 mərtəbəli binanın çökməsi nəticəsində 3 nəfər ölüb, dağıntılar altından 13 nəfər yaralı halda xilas edilib. “Hürriyet” xəbər verir ki, bu barədə İstanbul valiliyindən bildirilib.
Dağıntılar altından çıxarılan 3 nəfərin vəziyyəti ağırdır. Ölən və yaralıların adları açıqlanmayıb.
Xilasedicilər 19 saatdan sonra 5 yaşlı Havva Tekgöz adlı qız xilas edib.
Ətraf Mühit və şəhərsalma naziri Murat Kurumun sözlərinə görə, hələ də dağıntılar altında qalanlar var. Onların səslərini eşitmək mümkündür.
Hadisədən sonra ətrafdakı 7 binanın sakinləri də təxliyə edilib.