Sumqayıtda itkin kimi axtarışda olan şəxsin dənizdə boğulduğu məlum olub.
APA-nın məlumatına görə, iyunun 22-si axşam saatlarında Xəzərin Sumqayıt sahilində “Katamaran” istirahət mərkəzinin ərazisində dənizdən yeniyetmə oğlan meyiti tapılıb.
Aparılan araşdırma zamanı boğulan şəxsin 2005-ci il təvəllüdlü Zalov Qubad Xəqani oğlu olduğu müəyyənləşib. Mərhumun meyiti müayinə olunması üçün aidiyyəti üzrə təhvil verilib.
Qeyd edək ki, 16 yaşlı yeniyetmənin iyunun 20-dən evdən çıxması və bir daha geri qayıtmaması ilə bağlı valideynləri ATV-də yayımlanan “Bizimləsən” verilişinə müraciət etmişdilər. Məlumata görə, Q.Zalov yaşadığı evi atasının ona şillə vurmasına görə tərk edibmiş…