Saakaşvili bu azərbaycanlı məmuru sərt tənqid etdi

Ukraynanın Odessa vilayətinin dövlət administrasiyasının rəhbəri Mixail Saakaşvili hesab edir ki, Dövlət Fiskal Xidməti gömrükdə islahatların öhdəsindən gələ bilmir.

“Qruziya-onlayn” saytı xəbər verir ki, bu barədə M.Saakaşvili İlyiçevsk dəniz ticarət limanı gömrüyünə işgüzar səfəri zamanı bəyan edib.

“Bir adam gəldi – Roman Nəsirov. Və kameralar qarşısında dedi ki, hər şeyi dəyişəcək. Heç nə dəyişməyib, hər şey olduğundan daha pis olub. Hətta Yanukoviçin vaxtından daha pis olub. O, bu insanlar üçün nəyi dəyişdi? Mən bu gömrükdə növbə çəkəcəm, mən onları – bu yuxulu, korrupsiyalaşmış, çürümüş strukturı bu insanlardan əl çəkməyə məcbur edəcəm” – Saakaşvili deyib.

Bununla belə, o, qeyd edib ki, İlyiçevsk dəniz ticarət limanı gömrüyünə səfərinin məqsədi sahibkarların yüklərinin rəsmiləşdirilməsinin səbəbsiz saxlanılması ilə bağlı şikayəti olub.

MIGnews.com.ua saytının məlumatına görə, dövlət limanının kollektivi Odessa vilayətinin dövlət administrasiyasının rəhbəri Mixeil Saakaşviliyə müraciət edərək liman direktorunun istefa səbəblərini araşdırmağı xahiş etmişdi (oxu.az).