Kimlərin pensiyası neçə manat artacaq? – Nazir detalları açıqladı

“Azərbaycanda əmək pensiyalarının minumum məbləği 116 manatdan 160 manata çatacaq”.

Bu barədə Əmək və əhalinin sosial müdafiəsi naziri Sahil Babayev bu gün keçirilən mətbuat konfransında deyib. O qeyd edib ki, bununla bağlı prezidentin təşəbbüsü ilə qanun layihəsi Milli Məclisə daxil olub:

“Ötən gümn parlamentin müvafiq komitəsinə qanun layihəsinə dəyişiklik müzakirə olundu və plenar iclasa tövsiyə olundu. Fevralın 19-da məsələ parlamentin plenar iclasında müzakirəyə çıxarılacaq. Burada 40 faiz artım olacaq. Artıq indekasasiya ilə bağlı hazırlıq işləri yekunlaşdırılıb. Beləliklə, 233 min pensiyaçının aylıq pensiyası artacaq. Eyni zamanda 9 min nəfərin pensiyasında 93 faiz (75 manat), 26 min nəfərin pensiyasında 30 faiz (37 manat), 74 min nəfərin pensiyasında 16 faiz (27 manat) və s. artım olacaq”.