Şəmkirdə istixanada yanğın – Mühafizəçi yaralandı

Şəmkirdə istixanada yanğın baş verib. 

“Qafqazinfo”nun verdiyi məlumata görə, hadisə rayonun Düyərli kəndində qeydə alınıb. İstixanada baş verən yanğın zamanı 250 kvadratmetr dəmir konstruksiyalı talvar, 4 tonluq mazut çəni, 50 kvadratmetr sahədə dağılan mazut və 40 kvatradmetr sahədə yığılan taxta yeşiklər yanıb.

Həmçinin 1964-cü il təvəllüdlü İsmayılov Teymur Həzi oğluna məxsus “QAZel” markalı avtomobil də yanıb. Əraziyə 3 yanğınsöndürən avtomobil cəlb olunub. Hadisə zamanı orada mühafizəçi işləyən 1990-cı il təvəllüdlü Rzayev Afiq Nəbi oğlu yanıq xəsarətləri alaraq xəstəxanaya yerləşdirilib.

Faktla bağlı araşdırma aparılır.